من يريد المنتدى باللغة العربية يضغط أسفل المنتدى على كلمة إنجليزية ويختار عربية هناك خطط في تغيير اتجاه المنتدى

اهم شروط الاستفادة من قروض مؤسسة محمد السادس لرجال التربية الوطنية والتعليم

من بعد ما توصلنا بالكثير من التساؤلات حول الاستفادة من قروض مؤسسة محمد السادس لرجال ونساء التعليم الخاصة بالسكن وكذا القروض الاستهلاكية .سنتحدث بشكل مبسط في هذا المقال عن كل ما يجب معرفته قبل التوجه لهذه القروض.

غادي نبدا بأنواع القروض السكنية لي داخلة فالشراكة ديال المؤسسة. و طريقة الاستفادة منها.

أنواع القروض المدعومة من مؤسسة محمد السادس للاعمال الاجتماعية لرجال ونساء التعليم بالمغرب
1. قرض مدعم ديال 300.000 درهم (30 مليون)
كان فالسابق فحدود 20 مليون فقط. و هاذ القرض مدعم من طرف المؤسسة بنقطتين. بمعنى إذا كانت البنك كتبيع قرض السكن بنسبة فائدة ديال 4,2٪ ف أنت عزيزي القارئ غادي يبقى ليك فقط ب 2,2٪. و للإشارة فقط هاذ القرض عند جميع الابناك ب 2,2٪ إلا بنك مصرف المغرب هو الوحيد لي عندو ب 2,25٪ (حسب تصريح مؤسسة محمد السادس). و هاذ القرض ممكن توصل فيه مدة السداد ل 25 سنة و عمر المقترض عند آخر طريطة هو 70 سنة.
و مع هاذ النوع الأول ديال 30 مليون، عندك الحق أ سيدي و أ لالة باش تستفدو من قرض آخر تكميلي، بنسبة 4,2٪، في حالة ما إذا كانت هاذيك 30 مليون ما قاداكش باش تشري الدار.
آجيو معايا نشرحو بالأمثلة باش نفهمو أكثر.
مثلا الجيلالي صاحبنا لقى دويرة مزيانة و عجبات المادام حينت فيها كوزينة كبيرة و مهوية، و هاد الدار دايرا 40 مليون.
الجلالي فهاذ الحالة غادي يجمع الوثائق ديالو ( لي غادي نهضر عليها من بعد) و كيمشي للبنك كيطلب الكريدي، فهاذ الحالة البنكة غاديا تعطيه جوج كريديات:
الأول فيه 30 مليون ب 2,2٪ و الثاني فيه 10 المليون ب 4,2٪
كل قرض عندو طريطة بوحدها، ملي كتجمعهم بجوج كتعرف شحال غتخلص فالشهر.
و إذا كانت الزوجة ديال الجيلالي أستاذة حتى هي، ممكن يدرو crédit conjoint و بجوجهم يستافدو من الدعم د المؤسسة، و يشريو قبر الحياة.

2. النوع الثاني من القروض هو 150.000 درهم بسعر 0,00٪
بمعنى اكثر بساطة هذا القرص مدعم بالكامل من طرف المؤسسة، و الطريطة هي فقط 150.000 درهم مقسومة على عدد الشهور ديال السداد، و ما كتسوݣر منك البنكة حتى وزة.
و حتى هاذ النوع عندك الحق تستافد معه بقرض تكميلي ب نسبة 4,2٪ فحال أيها الناس. في حالة ما إذا كان المبلغ ما كافيش باش تخلص الدار.
و داكشي لي قلت فالمثال لفوق كينطابق على هاذ العجب لي هنا.

3. النوع الثالث ماشي قرض، و لكن مساعدة جزافية ديال 4 المليون كتعطيها ليك المؤسسة عن طريق البنك
آيه نعاماس شاط الخير على زعير… و هاذ المساعدة غير مسترجعة، يعني حلالا طيبا… و حتى هي أ سيدي عندك الحق تستافد معها من قرض بسعر فائدة ديال 4,2٪ على حسب الصالير ديالك فين يوصلك.

ملحوظة: ما عندكش الحق تجمع ما بين جوج من هاذ العروض أ صديقي، تستافد من واحد فقط و نبينا عليه السلام.

باش تستافد من هاذ العروض، خاص يكون عندك فقط حساب بنكي كيدخل فيه الصالير أكثر من ثلاثة أشهر، شهادة العمل، شهادة الأجرة، نسخة من بطاقة التعريف، طلب القرض لي كتعمرو و كتوقعو فالبنك، وعد بالبيع لي يعطيه لك البائع.
و الصورة أسفله فيها شروط الاستفادة من المؤسسة.
أهم الخطوات بالتفصيل للحصول على قرض للسكن مدعم من مؤسسة محمد السادس للاعمال الاجتماعية لرجال ونساء التعليم
بخصوص قرض 150000 درهم ، أو ما يطلق عليه 15 مليون سنتيم بدون فائدة (تجربة شخصية مع بنك التجاري) وهذا اهم ما تحتاجه


  • تأخد معك شهادة العمل
  • نسخة من بطاقة الهوية الشخصية مصادق عليها
  • بطاقة محمد السادس (مصادق عليها)
  • بيان الأجرة
  • طلب خطي للاستفادة من القرض
  • la déclaration sur l’honneur et engagement المستخرجة من موقع مؤسسة محمد السادس ) الامضاء مصادق )
  • الوعد بالبيع ( ويجب ان يتضمن ان 15مليون ستكون عبارة عن قرض من البنك)
  • شهادة الملكية حديثة للشقة او الارض (يسلمها لك الموثق مع الوعد بالبيع).
تقوم بدفع هذه الوثائق بالبنك، وسيقوم المكلف بالملف في البنك باستخراج les relevés bancaires ديال الثلاثة أشهر الأخيرة و اضافتها في الملف، ثم تنتظر ان يتصل بك البنك حين خروج الموافقة وهنا ستقوم بامضاء مجموعة من الأوراق و المصادقة على الامضاء لاوراق اخرى كعقد السلف مع البنك، اعطاء البنك القدرة على الاقتطاع من المصدر، عقد التأمين على الحياة و على الشقة.

مصاريف ملف قرض السكن من مؤسسة محمد السادس
فيما يخص مصاريف الملف فهي 0 درهم، التأمين على الحياة حوالي 3000dh, و التأمين على الشقة 190dh في السنة طول مد القرض.

قيمة الاقتطاع الشهري من الاجرة بعد الحصول على قرض مؤسسة محمد السادس
فيما يخص الاقتطاع الشهري فقم بقسمة قيمة 15مليون سنتيم على عدد الاشهر التي تريد فمثلا في حالة القرض لمدة 12 سنة اي143 شهر + شهر différé سيكون الاقتطاع حوالي 1050dh شهريا.

سوف يطلب منك البنك واحد lettre d’engagement من عند الموثق كيشهد فيها انه سيقوم بتسجيل و تحفيض الشقة او الارض مع رهنها بقيمة القرض للبنك، تدفعها للبنك و سيعطيك نسخة تسلم تعيدها للموثق، بعد كل هذا ومع مرور بعض الايام في حالة خروج الشيك الذي سيكون باسم الموثق سوف يتصل بك البنك لتسلمه و إعطائه للموثق (تقتطع حوالي 30dh عن هذا الشيك من حسابك)، وسيسلمك الموثق وصل تسلم تعيده للبنك، وبهذا تكون انتهيت مع البنك وتبقى الامور في يد الموثق من اجل اكمال عقد الشراء و تسجيل و تحفيض الشقة، بعدها يقوم الموثق تسليم هذه الأوراق للبنك او تسليمها اليك لتسلمها لهم مقابل وصل تسلم، بطبيعة الحال سوف يسلمك عقد شراء الشقة و شهادة الملكية.

ملاحظات مهمة :

1. في بنود عقد السلف، لو مثلا طردنا من العمل، تكون لك 6 اشهر حتى تعيد ما تبقى من القرض للبنك.

2. في القرض العادي تكون هناك مصاريف الملف بالإضافة للتامين عن الحياة و عن الشقة+ نسبة الفائدة اما في هذا القرض ليست هناك مصاريف الملف و بدون فائدة و تبقى مصاريف التأمين عن الحياة و السكن فهى إجبارية.

3. الفائدة تؤديها المؤسسة،

ارجوا ان اكون قد وضحت كل شيء. اللهم يسر للجميع، تحياتي لكم

منقول
 
السلام عليكم ممكن أستاذ تزيد تشرح لينا على المساعدة الجزافيةديال 4 تالمليون.شكون الناس الي ممكن يستافدوا منها ؟
 
My signature:
Back